KBCA Ministry aṭangin chibai
Kailashahar Baptist Christian Association nih kbcaministry.org aṭangin chibai. Kailashahar Baptist Christian Association hi Darlong Kristian history rêk tangka puma hlang inhnika angka achang. Darlong kristian history neipu achang. Darlong hnam Krista ringpu an changna bulpui chu Missionary Watkin Roberts a chanchin ṭha hril chu a bul achang. Manipur a kukihei hnianga missionary chun North East India General Mission tia insiam mission organization chun Jampui ari chanchin ṭha an hong intlunga. Ma chanchin ṭha chu Darlong phâia a hong ṭuma, 1919 chun thu awi an loi chang ṭan. Darlong phâi koihran chu NEIGM vongna hnuaia an om zoiin hun tawika Indo-Burma Pioneer Mission hnuai homa an la loi om. Indoipui voi inhnikana a hong puaksuak hnungin inpotonna (communication) ṭha a om thei tâk no hnungin, mânia inkoihranin atawp achun New Zealand Baptist Missionary hnianga koihran kapai chu inhlân an loi chang. Anmani vongna hnuai aṭangin Kulasor Prebyteri inti achang hnungin chanchin ṭha chu hnamtin hnianga chawi tumna leiin hnamtin huapin "Kailashahar Baptist Christian Association" tiin rihming loi vua achang. Vawn ari hin hnam tamka hnianga chanchin ṭha inthekdarpu changin rong a bawl. KBCA chanchin ṭha hrilna chu bial sung chaia tawp loiin Arunachal Pradesh, Bangladesh nih tun hom Himachal Pradesh a Inner Saraji hnamhei ṭangpuiin rong a bawl vu.
KBCA chun hnamtin hnianga chanchin ṭha hril ti hi Isua Krista hong nawk hmaka a thupui ding chu achang. Ma website hi a visithei chun chanchin ṭha hrilna a nin ṭang ve chang a tia, KBCA dinga nin ṭonginṭai ding achang ti hom chu a beisei ding dân chang a ti. Ma Website aṭangin Association programme, KBCA Thephûng, Sunday School Lekhabu nih Ṭhalâk ihmu thiam nih download thiam achang.
